Djemtë e gazetarës së vrarë në Maltë kanë mbajtur arkivolin e nënës, përderisa po e përcillnin për në banesën e fundit.

Daphne Caruana Galizia u vra nga një bombë në makinën e saj, me 16 tetor, transmeton portali arbresh.info

Sipas hetimeve të para, ajo është vrarë nga një bandë kriminale, të cilën ajo ishte duke e hetuar.

Gazetarja investigative, që nxorri në pah të palarat e qeverisë së Maltës dhe lidhjet e saj me Panama, u bë lajm në mediat botërore në ditën e vrasjes.

Peshkopi Charles Scicluna ka theksuar para të pranishmëve se “ende nuk dihet se kush e ka vrarë Daphnen”.

Pas vdekjes së saj, familja ka akuzuar qeverinë e Maltës që ka krijuar një kulturë “mafioze” në vend.

Vdekja e gazetares së njohur është dënuar ashpër nga një pjesë e madhe e liderëve botërorë./arbresh.info/